༄༅།།ན་མོ་གུ་རུ།

ཤར་གངས་རི་དཀར་བོའི་རྩེ་མོ་ན།།

སྤྲིན་དཀར་བོ་གནམ་ལ་སྙེགས་འདྲ་བ།།

དེ་མཐོང་བའི་མོད་ལ་བླ་མ་དྲན།།

དྲིན་བསམས་ཤིང་བསམས་ཤིང་དད་པ་སྐྱེས།།

སྤྲིན་དཀར་བོ་ལྡིང་བའི་ཤར་ཕྱོགས་ན།།

འབྲོག་དགེ་ལྡན་རྣམ་པར་རྒྱལ་བ་དེར།།

མཚན་བརྗོད་པར་དཀའ་བའི་རིན་པོ་ཆེ།།

ཕ་བློ་བཟང་གྲགས་པ་ཡབ་སྲས་བཞུགས།།

ལམ་རིམ་པ་གཉིས་ཀྱི་རྣལ་འབྱོར་སོགས།།

ཆོས་ཟབ་ལ་ཤིན་ཏུ་རྒྱས་པར་གསུངས།།

བོད་ཁ་བ་ཅན་གྱི་སྐལ་ལྡན་ལ།།

མགོན་ཁྱོད་ཀྱི་བཀའ་དྲིན་བསམ་མི་ཁྱབ།།

སྒོས་སྙོམས་ལས་འཛིན་པའི་དགེ་འདུན་གྲུབ།།

བློ་ཅུང་ཟད་ཆོས་ལ་ཕྱོགས་པ་འདི།།

རྗེ་ཡབ་སྲས་རྣམས་ཀྱི་བཀའ་དྲིན་ཡིན།།

དྲིན་ཆེ་བར་ངེས་སོ་ཡབ་སྲས་རྣམས།།

དུས་འདི་ནས་བྱང་ཆུབ་སྙིང་བོའི་བར།།

རྗེ་ཡབ་སྲས་ཁྱེད་རྣམས་མ་གཏོགས་པར།།

སྐྱབས་རེ་ས་གཞན་དུ་མི་འཚོལ་བས།།

ཐུགས་བརྩེ་བའི་ལྕགས་ཀྱུས་དྲང་དུ་གསོལ།།

དྲིན་ཇི་བཞིན་འཁུར་བར་མ་ནུས་ཀྱང་།།

སེམས་ཆགས་སྡང་དབང་དུ་མ་སོང་བར།།

མགོན་ཁྱོད་ཀྱི་བསྟན་པ་འཛིན་པ་ལ།།

དུས་ནམ་ཡང་བརྩོན་པ་བགྱིད་པར་སྨོན།།

ལར་ད་ལྟ་གངས་རིའི་ཁྲོད་འདི་ན།།

རང་བསྟན་པ་འཛིན་པར་ཁས་ལེན་ཞིང་།།

གཞན་བསྟན་འཛིན་དགྲ་བོའི་དྭངས་མར་འཛིན།།

ཚུལ་འདི་ལ་སྐྱོ་བ་གཏིང་ནས་སྐྱེས།།

གཞན་འཕུང་བར་འདོད་པའི་ཀུན་སློང་དང་།།

རྒྱུད་མཚན་འཛིན་དམ་པོས་བཅིངས་ལགས་ཀྱང་།།

ལམ་མཐོན་པོར་གནས་པའི་ཁས་ལེན་བྱེད།།

འདི་བརྟགས་ན་ཀུན་གྱིས་ཁྲེལ་བའི་རྒྱུ།།

ལམ་གོལ་སར་རྒས་པའི་སྡུག་ཡུས་ཀྱིས།།

ཆོས་ཚུལ་བཞིན་བྱེད་པའི་གང་ཟག་ལ།།

རྒྱུད་ཁོང་ནས་འཁྲུགས་པའི་གདུག་སེམས་ཅན།།

གདོན་ཐུགས་ལ་ཞུགས་པ་མ་ལགས་སམ།།

དགྲ་ཉོན་མོངས་འདུལ་ཐབས་མི་བྱེད་པར།།

གཤེགས་འགྱེད་པ་ཙམ་གྱི་བཤད་ཉན་ཡང་།།

འདྲེ་ཤར་སྒོའི་ཕྱོགས་སུ་གནས་པ་ལ།།

གླུད་ནུབ་སྒོར་གཏོང་བ་དོན་རེ་ཆུང་།།

དོན་དེ་ལྟར་གོ་བའི་བཤེས་གཉེན་ང་།།

སྤྱིར་ལུས་ཅན་ཀུན་ལ་བཀའ་དྲིན་བསམ།།

སྒོས་ཆོས་མཛད་ཡོངས་ལ་དག་སྣང་སྦྱོང་།།

དགྲ་ནང་ན་འདུག་པའི་ཉོན་མོངས་འདུལ།།

མི་ཁོ་བོའི་རྗེས་འཇུག་གྲོགས་པོ་རྣམས།།

ཡིད་ཕྱོགས་སུ་ལྷུང་བས་མ་འཆིང་བར།།

བློ་གཟུ་བོར་གནས་པའི་རྟོག་དཔྱོད་ཀྱིས།།

ལམ་དྲང་བོར་ཞུགས་པ་ཅིས་ཀྱང་ལེགས།།

གཏམ་འདི་ལ་བརྟེན་ནས་འགྲོ་བ་རྣམས།།

བྱམས་སྙིང་རྗེས་དྲངས་པའི་སེམས་བསྐྱེད་དང་།།

དབྱིངས་སྤྲོས་བྲལ་རྟོགས་པའི་ལྟ་བ་ཡིས།།

དཔལ་བླ་མེད་བྱང་ཆུབ་མྱུར་ཐོབ་ཤོག།

སྐུ་ལ་མཚན་དཔེའི་དཔལ་འབར་ཞིང་།།

གསུང་དབྱངས་ཡན་ལག་དྲུག་ཅུས་བརྒྱན།།

ཐུགས་ནི་ཟབ་ཡངས་མཁྱེན་བརྩེའི་གཏེར།།

དཔལ་ལྡན་བླ་མའི་བཀྲ་ཤིས་ཤོག།

东雪山篇

——忆宗喀巴大师

一世达赖更登珠巴  著

卓尼•德格尔  译

东/皑皑雪山/之巅上，

白/云朵仿佛/飘上天，

此/情景一见/念上师，

恩/想着想着/起敬仰。

白/云朵飘飘/那东方，

卓/甘丹妙善/尊胜寺，

名/难以直呼/大宝师，

父/洛桑扎巴/师徒在。

道/次笫二者/瑜伽等，

法/至深密意/讲透彻，

对/雪域有缘/蕃民们，

您/怙主大恩/不可思。

尤/懒堕懈怠/更登珠，

心/稍微投入/佛法中，

是/您等师徒/之恩德，

恩/实在伟大/师徒众。

自/现在至证/菩提间，

除/怙主师徒/您等外，

决/不找其他/皈依处，

愿/慈悲之钩/接引我！

恩/如是这般/虽难担，

心/不被爱憎/来束缚，

为/护持法主/您教法，

愿/时时刻刻/勤奋为！

现/如今雪山/境域內，

自/门派持法/可承认，

他/门派持法/当仇敌，

此/现象让人/深悲哀。

想/败坏他人/恶念者，

被/派系之见/紧束缚，

却/认为自道/高高上，

这/便是众人/耻笑因。

以/误道而老/自夸诩，

将/如法而行/善男女，

心/彻底搅乱/作恶者，

岂/不是鬼迷/心窍吗！

心/烦恼之敌/不调服，

仅/依靠争吵/来讲闻，

鬼/明明就在/东门口，

俑/抛向西门/有何用。

意/如是晓悟/善知我，

为/众生施恩/而着想，

对/一切法行/修正见，

把/心中烦恼/之敌除。

愿/追随我的/朋友们，

心/不被偏袒/所左右，

意/公平公正/来分析，

入/正道必定/是善妙。

依/如是箴言/众有情，

以/慈悲引发/善良心，

悟/诸法无我/空性见，

速/证得无上/菩提果！

身具神圣佛妙相，

语备佛音六十支，

意为深广慧慈海，

大德上师吉祥来！

        卓尼•德格尔，藏族，又名杨世宏，1957年8月出生，甘肃卓尼人。中共党员，硕士，教授，毕业于西北民族大学。研究方向为民族高等教育双语教学。曾任甘肃民族师范学院副院长，学术带头人。先后在《西藏教育》等刊物上发表教学研究论文十余篇，先后出版《中学藏语文教学法》《卓尼版丹珠尔大藏经序目》《第一世嘉木样传》《西藏的佛教》《西藏摄政策墨林活佛略传》《卓尼藏族创世史诗•舍巴》等6部编译著，其中《卓尼版“丹珠尔”大藏经序目》荣获甘肃省高校社会科学成果二等奖，甘肃省第六次社会科学优秀成果“兴陇奖”三等奖。